Yunanıstandan Misirə qədər olan ərazini gəzən liviyalı səyyah Pavsani(Pausanias) də "Yunanıstan təsviri" adlı 10 cildlik əsərində bu haqda çox məşhur və bir o qədər də uydurma görünən hekayəsini qeyd etmişdir.Pavsaniyə görə, əvvəllər bütün Yunan idmançıları həmişə paltar(kətan parçadan) geyinərək yarışırdılar. Guya eramızdan əvvəl 720-cı ildə keçirilmiş Olimpiya Oyunlarında Meqara'dan Orsippos adlı bir atlet qaçarkən təsadüfən paltarı sürüşüb yerə düşür.Bununla belə paltarını itirməsinə baxmayaraq, Orsippos yarışı qazanır və çılpaq qalib tacını alan ilk atlet olur. O vaxtdan etibarən, Pavsaniyə görə, yunanlar həmişə çılpaq şəkildə məşq edib və yarışırdı. Pavsani Orsipposun çılpaq bir atletin paltar geyinən bir atletdən daha sürətli qaça bildiyini öyrəndiyinə görə qəsdən parçanın sürüşməsinə icazə verdiyini düşünür. Əyləncəli bir hekayə olmasına rəğmən çox güman ki müəllifin təxəyyülünün məhsuludur.ikinci bir real ehtimal isə istidən narahat olmamaq üçün belə etmələridir.